أقوى نوع
أقوى نوع، يلي حتى لو بدو يجرب أو يدخن ومو رافض الفكرة، وحتى لو انو حابب يدخن، بس بضل بده يحمي عيلته و الناس الي حواليه.
هل تعلم من هو الرجل القوى الشخصية ؟ شاهد الفيديو
نوع؟! يمكن كلمة غريبة شوي لما نوصف فيها شخص، بس هون فعلًا بنقصد نوع، الناس بينقسموا لأنواع كتيرة لما بدنا نحكيها حسب وجهة نظرهم للتدخين، الناس الرافضين تمامًا لقصة التدخين بكل أنواعه وأشكاله يلي بتعدد من سيجارة تقليدية أو إلكترونية أو أرغيلة أو أي وسيلة تانية، وفي نوع من الناس يلي ما بدخنوا بس مو رافضين للفكرة، هدول الناس يلي ما بحاولوا يمنعوا حدا سواءً من عيلتهم أو أصحابهم من إنو يدخن، ببساطة الموضوع عندهم عادي، و طبعًا في النوع يلي بلش يدخن لسبب معين وهلا نفسو يترك الدخان بس بنفس الوقت ما عندو القوة والإرادة الكافية، وفي النوع يلي بدخن وشايف كل المشاكل يلي عم تصيرلو من ورا الدخان ومع هيك لسا متمسك وما بدو يترك، في النوع يلي اتربى بعيلة كلها مدخنين وشايف التدخين زي التقليد عندهم بالعيلة، وفي يلي التدخين عندهم ممنوع ومو مقبول الهم ولا لحدا من عيلتهم، وفي يلي بدخن بس لأنه الدخان رجولة وانو هو هيك cool. الناس بتختلف بطبيعتها، وكل حدا عنده رأيه و وجهة نظره بس بتضل الحقيقة يلي ما حدا بيقدر يغيرها هي إنه التدخين بغض النظر كيف بلش الإنسان فيه وقديه عم يدخن فهو بضل عادة من أسوء العادات من كل الجوانب، والتخلص منها هو موضوع مهم لازم يكون جدي كتير.
بس هلا في أقوى نوع، يلي حتى لو بدو يجرب أو يدخن ومو رافض الفكرة، وحتى لو انو حابب يدخن، بس بضل بده يحمي عيلته و الناس الي حواليه، ما يدخن بمكان مغلق وبيتزكر إنه في ناس معها أمراض أو مشاكل تنفس مش رح تعرف تنام باليل من ورا سيجارته، وطبعًا مو كل الناس ممكن صحتهم تتحمل.
بغض النظر عن أي نوع من الناس انت، بغض النظر ازا انك مدرك لكمية الخطر يلي عم بتحط حالك ويلي حواليك فيها من ورا التدخين، فصار هلا الوقت إنك تفكر شوي بالصحة و الجسم يلي الله أعطاك ياهم لحتى يساعدوك تعيش حياتك بسهولة وراحة، و انت بالمقابل عم بتسممهم ولو فكرت ولسا مصر تدخن؛ فكر يبلي حواليك يلي فعلًا بتأثروا بسببك. وهلا، أي نوع انت؟
