واقع بين رغبتين
لرغبة الشديدة بالتدخين بتكون بأوجها في الأسابيع الاولى من الإقلاع عن التدخين، بس أكيد بتمر هاي المرحلة مع التحلي بالصبر والعزيمة والقوة.
واقع بين رغبتين
معظم المدخنين بحاولوا بالعادة الإقلاع عن التدخين، وللأسف بفشل عدد كبير منهم في انهم يحققوا هالشي، إلا أنه الإصرار في الموضوع ممكن يوصلهم للنجاح، فكيف هيك؟ وهون بنسأل حالنا، كيف بإمكاني أتحكم بالرغبة الأولى يلي هي التدخين واستبدلها بالتانية يلي هي رغبة تركه؟ الجواب هو إضافة و تغير في نمط الحياة مع ايجاد بدائل، بس متل شو؟ بدائل النيكوتين خطوة مهمة، الأدوية الخاصة بالإقلاع عن التدخين، بس شو السر؟ ليه هاي البدائل سبب نجاح احيانًا بعملية الاقلاع؟ بكل بساطة السبب هو انها بتقلل فرص الرغبة الشديدة بالتدخين، هاي الرغبة الأولى يلي بتنقسم لنوعين: الرغبة المتواصلة للتدخين:هاد النوع بيعتمد على القوة و الإرادة و بعدين بتقل هالرغبة تدريجيًا. الرغبة المفاجئة للتدخين: بالعادة بتكون بأوقات لحظية متل الغضب أو الحزن أو لما يمارس نشاطات متعود يمارسها مع سيجارة زي فنجان القهوة، و أكيد بتقل مع مرور الوقت. عشان نقدر نسيطر على رغبة التدخين الشديدة هاي لازم نغير بعض العادات عشان يساعد في الإقلاع عن التدخين، بس لازم نعمل بعض التغيرات في نمط الحياة عشان ننجح بصورة أفضل ونحقق النتائج المرجوة، ومن أهم هاي الأمور: 1- تجنب الأمور التي بتشجعك على التدخين، تغيير هاي العادات من شأنه أن يخمد الرغبة بالتدخين. 2- تحلى بالقوة اللازمة للتغلب على هاي الرغبة في التدخين، لازم تعرف انه الرغبة الشديدة بالتدخين بتكون بأوجها في الأسابيع الاولى من الإقلاع عن التدخين، بس أكيد بتمر هاي المرحلة مع التحلي بالصبر والعزيمة والقوة. عند أخذ قرار الإقلاع عن التدخين، اقطع وعد على نفسك بانك ما رح تقوم بتدخين أي سيجارة بعد اليوم، وعند ظهور الرغبة في التدخين، ذكر حالك بهاد الوعد لتزول الرغبة بشكل تدريجي. تذكر أنه هاي الرغبة تأتي شديدة ولوقت قصير وبتروح خلال عدة دقائق، ولا تنسى أنه مقاومتك لهاي المشاعر وابتعادك عن السجائر في مثل هذه الظروف رح ياخذك خطوة لقدام في تحقيق النجاح في الإقلاع عن التدخين
مجلة الأستاذة
