مساعدة خارجية
أحنا البشر لما بنأخذ قرار بنعتمد على امرين يا خبرتنا ومعرفتنا الشخصية، يا بنستعين بمساعدة خارجية.
كلنا معقدين..كلنا مرضي نفسية..محدش فينا طبيعي... ومحدش فينا برضو يحب يحلل نفسه
يحب يحلل اللي قدامه بس...يحب يخرج كل عيوبه...وأخطائه ...ويبدأ يعالجها...او فاكر نفسه بيعالجها
ومسألش نفسه...هو مين اد ليه الحق انه يعمل كده؟؟؟ لو هو واحد فعلا عارف العلاج...معلجش نفسه ليه الأول؟؟...مش هو اولى بده...
الناس في مشكلك...كلهم فلاسفه...ومفكرين...ودبلوماسيين...وخبراء...كلهم أكثر خبره عنك ورزانه وحكمه...عشان كده انت لازم تسمع كلامهم ...لأنهم اعقل منك بمراحل...مين قال كده؟؟...هما... هما قرروا انهم احسن منك... طالما انت اللي داخل المشكلة وهم خارجها...
طب ما يمكن يكون عندهم حق... الانسان لازم يستعين بحد يساعده...الواحد لما بيكون عيان و مرهق مش بيعرف يفكر لنفسه ،.. ولا ينفع يجيب حد ثاني عيان يفكرله...لما بيكون في حالة من الغضب والتوتر بيبقي محتاج شخص يوجهه...ينصحة يأخذ بأنهي قرار...
وديه حاجة مش بتقلل من الشخص اللي بيمر بأزمة... ولا ده تقصير منه... عادي لو انت طلبت استشارة مجانية من الخارج... زي المعاونة بين الدول كده...لكن لازم تفهم أن الاستشارة ديه بيحكمها شوية قواعد كده... مينفعش تستغني عنها...
اول قاعدة: لازم الاستشارة تكون من شخص عاقل ومنطقي وبيعرف يفكر قبل ما يقدم نصائحه.
ثاني قاعدة: لازم الاستشارة تكون من شخص عنده خبره ومعرفة كافية او مر بتجارب تشبه التجربة اللي انت بتمر بيها.
ثالث قاعدة: لازم الاستشارة تكون من شخص قريب منك وعرفك كويس
رابع قاعدة: لازم الاستشارة تكون من شخص بيحبك ويتمني ليك كل خير
خامس قاعدة: لازم الاستشارة تكون من شخص مخلص معاك وعنده ضمير في كل خدمة بيقدمها.
وقاعدة أخيرة..أحنا البشر لما بنأخذ قرار بنعتمد على امرين يا خبرتنا ومعرفتنا الشخصية، يا بنستعين بمساعدة خارجية.
فركز أنت بتطلب المساعدة من مين؟
مجلة الأستاذة
-
الكلمات المفتاحية :
ادب
ادباء
افكار
اقوال ملهمة
التفكير
التنمية البشرية
تحفيز
خواطر
ومضات
تعليقات
إرسال تعليق