ليش ممنوع؟
ليش ممنوع؟
مكن يكون في ناس بتفكر هاي حريتها، بس لازم كلنا نتذكر إنو حريتنا بتخلص لما بنتعدى على حرية غيرنا.
ليش ممنوع؟
كتير معروفة القوانين يلي بتطلع أو طلعت بتمنع التدخين ببعض الاماكن لكتير من الأسباب وبناءً على عدة دراسات في بعض دول العالم. لو فكرنا شوي بأسباب وجود هيك قوانين يلي هدفها بشكل أساسي وموحد حماية صحة الفئة غير المدخنة من الناس وكمان أكيد حماية البيئة الناتجة من ملوثات التدخين. بالبداية الصحة، من أول وأهم أسباب فرض قوانين منع التدخين بقوم على حقيقة إنو التدخين عملية اختيارية بس التنفس لا. يعني الناس كلها رح تننفس، فبتنفرض قوانين منع التدخين لحماية الناس يلي بيتنفسوا الهواء من تأثيرات التدخين السلبي، واللي بتشتمل زيادة مخاطر الإصابة بـأمراض القلب، السرطان، داء انتفاخ الرئة، وأمراض تانية أكتر بكتير. البيئة، أظهرت الأبحاث يلي أُجريت كمان إنو جودة الهواء المحسنة إجت بسبب نقص فرص التعرض للسموم يلي أكيد موجودة بالسجائر. صدر في عام 1575 واحد من أوائل قوانين حظر التدخين في العالم كله، و طبعًا بعده صار يطلع كتير قوانين بتمنع التدخين ببعض الأماكن بشكل متتابع. و طبعا ازا إحنا مفكرين إنو بس التدخين إلو قوانين تمنعه ببعض الأماكن بنكون غلطانين، لانه لسا في قوانين بتمنع إعلانات التدخين كلها. هاي القوانين كلها يلي منعت التدخين ببعض الأماكن واجهت كتير من الإنتقادات، بحجة إنو هاد بيعتبر تدخل من الحكومة بحريات الأفراد، بس كمان حتى الإنتقادات هاي تم الرد عليها بشكل يبين أهمية القوانين وتأثير الدخان على كل فرد محيط بالمدخنين. بالنسبة للأردن فوزارة الصحة الأردنية عملت يوم الأول من آذار (مارس) العام 2009م أول يوم لتنفيذ قرار منع التدخين في “المولات” ومطار الملكة علياء باعتبارها أماكن عامة وذلك استنادا لقانون الصحة العامة، و طبعًا بيعاقب قانون الصحة العامة المدخنين يلي مو ملتزمين بأحكام القانون بالحبس والتغريم. يمكن يكون في ناس بتفكر هاي حريتها، بس لازم كلنا نتذكر إنو حريتنا بتخلص لما بنتعدى على حرية غيرنا.
مجلة الأستاذة
