كمدير تسويق كيف تسوق رفضك لأفكار الموظفين؟
معظم المدراء بواجهو مشاكل عظيمة جدًا مع موظفينهم بسبب رفض الافكار اللي بيقترحوها ولهالسبب جبتلكم الحل !
كيف تسوق رفضك لأفكار الموظفين؟
بتعرف انك انت كمدير تسويق لازم تكون شاطر بتسويق رفضك لأفكار الموظفين؟
يمكن استغربت شوي من الكلام الغريب بس تعال افهمك ...
انت كمدير تسويق المفروض انك بتقود ناس عندهم ابداع وأفكار رائعة
وكثير ممكن تواجه أفكار يعتقد صاحبها انها مميزة ورح تطور الشركة بس انت بحكم الخبرة اللي عندك تشوف انها غير صحيحة.
بهالحالة عندك حل من الحلين:
1- إما تتتبع اسلوب 90% من المدراء وترفض الفكرة وتحكي بدي اشي غيره أو مين عندو اشي أحسن.
2- أو قبل ما ترفض الفكرة تشكره على الفكرة وتشرحله الفكرة كيف رح تصير بعد ما تتطبق وانها مو مناسبة وهو لحاله رح يرفضها.
وبالطريقة التانية انت بتكون سوقت الرفض وأقنعته فيه لدرجة هو بذاته رفض الفكرة بدون ما انت ترفضها.
ومن أقوى وأفضل الطرق لتسويق الرفض هو انك تسأله سؤال عن الفكرة يكون مربوط بمستقبل الشركة.
فمثلًا موظف حكالك على فكرة تسويقية احكيله حلو كتير بس برأيك هل هاي الفكرة ممكن تخدم الشركة بالمستقبل؟
اعطيه فرصة يوضح فكرته لأنه احيانًا ممكن نحنا ما فهمنا الفكرة صح
ولو فعلًا تأكدت انه الفكرة غير قابلة للتطبيق بنرجع للجزء السابق وهو شرح كيف رح تتطبق الفكرة على أرض الواقع.
وهيك بوعدك انت كمدير تسويق اذا تعاملت مع موظفينك بهالطريقة رح تشوف ابداع أعلى من السابق وغير هيك رح تخليهم يحبوك كمدير والمدير المحبوب والمنتج هو فعليًا المدير الناجح.
وهلأ احكولي كم مدير ناجح معنا ؟
مجلة الأستاذة
