كمان سنة لسا؟
سنة بتخلص و غيرها بتبلش، و الوقت بيمضى و احنا بكل سنة بنحط قائمة بأهدافنا وأحلامنا و بنصير بهاي السنة نحاول نعمل كل شي ممكن عشان نحقق هالأهداف،
كمان سنة لسا؟
سنة بتخلص و غيرها بتبلش، و الوقت بيمضى و احنا بكل سنة بنحط قائمة بأهدافنا وأحلامنا و بنصير بهاي السنة نحاول نعمل كل شي ممكن عشان نحقق هالأهداف، سفر، تخرج، سيارة جديدة أو غيرها من الأمور يلي بتهمنا، طيب و الدخان؟ مو المفروض تكون صحتنا أهم أولوياتنا؟ ليه ما بنفكر نضيف هاي النقطة الكتير مهمة على القائمة تبعتنا؟ لو كل واحد بدخن بإختلاف أشكال الدخان يلي بيستعملها بحط هدف إلو بكل سنة يترك الدخان، كان بتلاقيه من بداية السنة أخد الموضوع بشكل جدي كتير لانه موجود على قائمة تعتبر كتير مهمة بالنسبة إلو. ومن المعروف إنو العادات القديمة ما بتموت بسهولة لأنها بتكون مزروعة في أعماق الدماغ، بس أحيانًا ممكن للعادات أنو تدمر حياتنا، لانه هاي العادة كان الإنسان يقنع نفسه إنها عادة مفيدة بس بعدين لما يقتنع إنها مو مفيدة بتستمر لأنه بكون بطل قادر يتخلى عنها. الرغبة في الاستسلام لهاي العادة بيبدأ بالعقل، ويتفاعل جسمك فقط مع هاي الرغبة العقلية. يمكن يستغرق كسر العادة السيئة زي التدخين وقت قصير كتير أو طويل كتير، إزا بتعتمد المدة التي بيستغرقها الأمر عليك وعلى العادة ومدى استعدادك للإقلاع عنها، ولكن بالأساس بيعتمد على طريقة تفكيرك. فكل ما بتزيد انت الاحتكاك بينك وبين عادتك، بتزيد المشكلات اللي بواجهها عقلك في الاستسلام لهذه العادة السيئة، مثلًا حط بقائمة أهدافك إنك خلال هالسنة رح تترك الدخان، و بلش حط كتير عوائق تخليك تقلل منو متل إنك تشتري سيجارة وحدة بس بدل الباكيت، رح تلاقي إنك دخنتها فورًا و بعدين كل مرة بتلاقي صعوبة كل ما بدك تدخن تطلع من بيتك لحتى تشتري سيجارة فبتصير تلقائيًا عم بتقلل عدد السجائر يلي عم بتدخنها باليوم. أهدافنا تعتبر أشياء مقدسة بالنسبة إلنا، بنحب نحطها أول السنة لحتى نكون فخورين كتير بتحقيقها بأخر السنة، خلي صحتك أولهم.
مجلة الأستاذة
